मैं थारे हिवडे री चिड़कली,
रन-झुन रन-झुण गाबा द्य्यो!
लग स्यूं हिवडे, चूमूं थारे गालां...
पर थे , मान मने बाहर आबा द्य्यो!!
मीरा पन्ना, पद्मा हाडी!
थारी कोख्ह रो गौरव बन जबा द्य्यो!
मैं थाने दयून कन्या दान रो अवसर...
ऐ मारी जन्मा, मने बाहर आबा द्य्यो!!
मुंह तू कईं लटका कर बैठी...
गोटा-तारा लुगडी पे, लग जाबा द्य्यो!
संग-संग, गौरा-तीज आपां पूजें॥
ऐ मारी सखी मने बाहर आबा द्य्यो!!
नवरात्रा रे नौ दिन पाडा,
घर घर कन्या ढूंढे है...
आग्य्यो मुहूर्त घट धर्बा रो!
ता जनम री कन्या, पुजाबा द्य्यो!
और मैं छोउंगी थारे पगलया॥
ऐ मारी दात्री, मने बाहर आबा द्य्यो!!
जग री चिंता मत कर माँ माहरी॥
ममता रो दूध रिस जबा द्य्यो!
पुरुष बन्या, अब बाप बने वो॥
नाथ थे दोन्या, मने बाहर आबा द्य्यो!!
ऐ जन्मा मने बाहर आबा द्य्यो!!
...एहसास
हिवडे = ह्रदय
चिदक्ली = बेटी
मीरा = मीरा
बाईपन्ना = पन्ना
धायपद्मा = पद्म्मा वती
हादी = हादी रानी
लुगदी = ओढ़ने का दुपट्टा
गौर -तीज = गणगौर -तीज
पाडा = मौहल्ला
घट धर्बा= कलश स्थापना
पगल्या = चरण, पाँव
